我記得最近的一課討論到：「我會因為什麼而放棄佛法、放棄修行？！」我會說，隨左我要加班工作、再窮到冇錢交學費之外…我都會努力出席每一節課~^^雖然我還未能夠把每一樣學到的用出來，但佛法可減少我的嬲怒、妄念、煩惱，保護著我的心~！又想到，假如我現在還未修行佛法，我就會孤伶伶的一個人去打機、通處亂逛亂花錢、然後去胡思亂想，又經常無故的將自己打沈=.=
我現在有幸的在這裡上課，感到很溫暖~！我有幸認識到每一位同修，能跟你們分享生活點滴和學習成果，雖然我這個經常在課室上呆坐的黑色物體未能跟大家都有說有笑，但我確是很高興認識你們~！
之前上課時都會畫公仔做筆記的，但最近比較忙和疲累，所以冇畫~.~唯有貼住d近作招呼大家吧~！
未上色的「剪冬菇」稿件一張…=.=
回應(6) | 回應的RSS | 暫時未有引用通告| 
(0)
因為忙，我又有好一段日子冇上黎打番幾隻字，咁o岩樓下篇文寫得咁鬼死衰，仲要係個blog置頂咁耐，不明白我的人恐怕會以為我到現在也恨死情人節~！其實那諗頭只生起在寫文章的一瞬，因為我知道那不過只是外間事物投射在我腦子內所虛構而成的東西，不是真實存在~！不過我也認為自己每逢聖誕、情人節的心情總是不太好…
今個新年假期，我把所有要買的東vcd都在年三十買哂~！因為年初一至初三不是拜年去，就只會在家中。唔去玩?！我都想呀，但放假前都不能把稿件做完，只好「受」吧~！睇完兩小時的vcd，就去寫兩頁稿，跟住就睇戲…寫稿…睇戲…寫稿…咁就過o左一個不似假期的假期=.=
不過，在這個假期裡，我發現一個人去戲院看電影的好處~！就是不論個場有多爆、我有多遲買戲飛，都不愁冇位坐~！因為買飛時總會有些單叮的吉位空出來給我坐~！哈哈哈~~~！！！
無聊野講完，又係時侯祝大家豬年快樂~！！！
有一天，我突然有個想法，我發現無論我做什麼事情、說什麼話…都是罪過。
好吧~！我以後就不再做多餘的事、不說多餘的話，開動最強防衛系統~！這樣一來，我就不會被罵。直到現在…才知道原來這樣收埋自己都會被罵=.=
我試過強迫自己說多些話，堅持了半天…然後是十分鐘…五分鐘…還是擺了=.=我搞不清楚別人是否想跟我說話~！啊…這又是錯的，我又在虛構別人的想法=.=
上班時，我要求自己把多餘的思想清除，保持身心舒暢~！尤其是身處於又窄又焗的辦公室，心情一下降就什麼都畫不來，有時候我覺得要把東西畫得好，有良好的心理質素比有好的畫功更重要~！難道我要畫一些只會不停的說：「他媽的~！他媽的~！」的東西來？！畢竟畫公仔不是按下keyboard就有隻眼、按下滑鼠就有個口的工作。
啊~！唔講咁多喇~！今晚我會調整一下自己的心情來做好明天的一切事務~！
我參加了佛堂的「理解心識」課程不經不覺好似都有半年啦~！最近果幾堂講到「非貪執」，就想起我公司同家裡都擺到冇位擺的玩具~！=.=呢d仲唔係「貪」？！仲唔係我的「果」？！
平日返工做到做到不見天日、乾哂塘，一到週末，我就身痕~！大條道理的去買東西~！出街買野就是我放假的唯一節目~！為了逗自己開心，每次出旺角最少都要買到些「收穫」。就好似今日咁，又手痕抽o左隻bearbrick=.=…25蚊o者=.=算少喇…
我可以係屋企的時間唔係多，玩唔哂咁多玩具，幾乎每件都好新淨咁擺係度~！有d我有想過拎上去拍賣網賣走d，畢竟買玩具佔左我每個月大部份的支出(買衫、買參考書、買vcd、買game…都佔一部份…=.=)，但最衰就係冇相機…(通常拎上拍賣網賣d野，相都冇張係賣唔出的=.=)
算了吧…係時候要訓練下「非貪執」了~！要將學到的東西用出來先係丫ma~！
這兩張是我上課時畫的筆記~！結論是…「非貪執」於玩具可保你銀包健康~！！！
回應(3) | 回應的RSS | 暫時未有引用通告| (0)
看完這段片，我第一時間的反應就是︰「嘩~~~~~~哈哈哈哈哈哈哈哈哈哈哈哈哈哈哈哈~~~！！！好正~！好正~！！！」天啊~！那cosplay的變形金鋼竟然可以變形~！柯柏文變左做車竟然識行~！而且仲咁鬼有質感~！睇到我拍爛手掌~！！！
回應(1) | 回應的RSS | 暫時未有引用通告| (1)
