適量的壓力，可轉化成為工作的動力；但過份強勁的壓力，會使人感到焦慮、煩惱，而帶著這種心情工作又會使人失準！事半功倍。

對我來說，消除自己的壓力也是我工作的一部份，因為壓力太勁會畫不了畫…>.<...壓力可以是別人給我，也可以是自己給自己的...有壓力又係做，冇壓力都係做，為何不讓自己放鬆一點做...~.~...與其努力花時間去擔心這個、那個...不如努力去想想如何把自己最好的一面表現出來就夠了~！何況，我的擔心又不見得對自己和別人有什麼好處...~.~...即使失敗了，都不要為了不能達成自己的目標而唔開心~！盡左力ma...失敗是成功之母~！只要勇往直前，不斷改革，總會成功的~！(嘻...雖然老土>.<)

哈哈哈哈哈~~~！現在就說得如此口響，但其實自己有時候也好不到哪裡去~！我還在學習中…=.=…

我實在好佩服那隊可以在每場68000球迷面前的壓力下，仍表現到自己最佳水平的~~~「紅魔鬼曼聯」~~~！！！

「勇往直前~！」就是《羅拔神奇家族》這套電影帶給觀眾的信息。

今天未看電影前，我手痕先去yahoo看影評。有好多good comment，但又有好多人話悶、暴龍登場少~！搵笨~！講到套戲好差、好小朋友化咁~！真係一不小心就給這些留言拉著走~！！！好在到頭來都係死唔信邪入場看看…不然就沒殺了看好片的機會。

講真~！除左開頭果段感覺上係用黎攝時間的卡通外，套戲本身好正面、好有意思ka~！畫面出色不在話下，故事性都比我印象中的迪士尼片高~！我明白一套電影不能滿足所有人，但電影不一定要笑到想死既先好睇~！要睇暴龍o既、就請看《侏羅紀》~！！！

「不要著眼於過去，失敗是成功之母，要有快樂就要忘記傷痛~！勇往直前~！！！」雖然有時要亂諗野的確很難制止=.=…但假若我忘記了的話，出vcd的時候，我會買黎睇多次^.^

今日我說話總數比我一星期說話加起來的總和還要多，唔知點解，總之很開心就是了~！

說真的，我每天放工回家都累得要死，基本上連講多句野都懶了~！更莫講是係個blog上面打字=.=不過難得今晚有mood^.^

說起來，今晚為了準備辨論，我真的有溫書ka~！只不過是答得慢些少擺了~.~至於我負責做的結論那部分，因為有的字體較「潦」，要花時間整理一下了…希望大家喜歡~！

今個星期，令我最震撼的一件事就是曼聯主場大炒羅馬7比1~！英格蘭、意大利兩支最高水準聯賽球隊對決~竟出現這種比數~！個幾星期前才見到曼聯首回合作客輸1比2，因為冇錢裝李擇楷電視，只能第二朝訓醒睇賽果，結果第二朝訓醒比我聽倒曼聯兩回合計8比3踢人出局~！有d以為自己發緊夢~！！！(羅馬之慘敗，只能怪也他們主場不好好把握總大部份時間比曼聯多踢一人的優勢入多幾球致曼聯於死地…)anyway這場賽果確是技術性擊倒~！今年的曼聯確實很厲害~！紅魔加油~！！！

最近公司要裝修大笠位，要搬自己的座位，搞了好幾天都做不了稿，咁又要迫住下個星期死啦~！唉~！不過咁都好，把自己沒埋於公作中、又可以讓自己諗少d無謂野、令自己唔開心…哈哈~！

近這個月，nds成為了我每天的基本裝備~！也成為了精神食糧~！$1490一套入手~！黑色機，本來是想買紅色的，不過冇…一到lunch就跟同事對戰，講真~！臝多過輸~！kaka~！仲諗住自己係個blog度寫番篇mario kart ds的攻略~！圖文並茂~！不過就是未有時間畫圖…=.=

最近上畫的電影，只看了mr bean~！有點想抽時間看看大獲好評的「羅拔神奇家族」~.~

近排放工回家，最鐘意上youtube摷番d童年時代的卡通來看~！這一套《熱血最強》真係勾番起唔少回憶~！同期的《絕對無敵》、《元氣爆發》、《鐵人28fx》、《龍珠》都很喜歡~！每次唔開心，搵番呢d咁熱血的卡通黎睇，即刻醒哂~！混身是勁~！！！真的興幸小時候有這些卡通看~！現在的卡通片，已經完全沒有這種味道~！

印刷廠一話放假，我地就忙得停不了手~！趕完過年、又到復活節…由過年撐到今天，捱左咁耐，今日終於有番日似樣的假放~！

這一天，我不用在不情願下被鬧鐘吵醒，我鐘意訓幾耐就幾耐~！這一天，我不用趕頭趕命地趕車上班、趕稿子~！死趕爛趕~！又唔駛擔心稿件的事~！我可以大字型訓係張梳化上面睇電視、打機、煲碟~！我可以摸下我d玩具~！幫d玩具擺鋪士、影下相~！我可以精神飽滿的去旺角打個轉~！睇下有咩新野出~！

難得有假放~！這一天真的非常之爽~！哈哈哈哈哈~！！！是日休息~！