5月24日，放左工，比個fd拉o左去睇〈魔盜王終極之戰〉，眼好累，不過算啦~！反正我都想睇。(唔知點解，我睇親〈魔〉片都係帶住對smokely eyes去睇…~.~睇黎我都中o左魔咒啦~！)

一如所料，發哥死得最快(呀~！攪錯~！上集也文也武的海魔死得仲快~！)，劇情亂，就算睇左一、二集都唔好得去邊，都係有d位真係要睇多幾次先明白係咩一回事，算啦…呢d情況上兩集都係咁~！都慣啦…我入場睇johnny depp之o麻~！

有人話johnny depp少左戲份，可能啦…我又唔覺~！因為今集Jack Sparrow出現左精神分裂症狀(呢d戲真係好適合佢演~！夠怪雞~！)，一人同飾水手及船長，全隻黑珍珠都係Jack Sparrow~！咩表情都有~！如果係畫面入面將果d Jack Sparrow續個抽出來的話，佢d戲份真係唔講得少~！加上今集Jack Sparrow超帥氣的登場方式和結尾，我都好收貨啦~！(其實Will Turner同Elizabeth結婚果段都好好睇~！)

套戲有好有唔好，我個人覺得鬼船長同女海神的戀情好似拍得冇咁震撼…不過畫面真係好震撼，完全冇假~！中間有少少悶場，幸好gag位多~！尾段打得好正~！如果大家有睇開〈魔〉片一、二集，呢套一定要睇~！

今天午飯後，收到同事們送的生日禮物，山口式Saber~！產品附送腳座，可擺出各種不同的「鋪士」，萌中帶帥~！好正斗啊~！

禮物的形式唔重要，即使是一句生日快樂、一張e-mail送來的生日卡、山口式Saber也好(雖然遲o左一日…)，收到這份心意，就已經開心死~！

特別在此感謝你們~！

我有時覺得，我講野好似愈黎愈不似20歲的少年…啊~！不只是說話，樣貌、喜好、言行舉止都唔似，十分古怪。後日就21歲喇，可能我到21歲都係咁古怪，哼~！不理喇，我仍會努力做好我自己。現在推動我過每一日的動力，是我「死唔認輸」的那份執著。

明天是我生日前的最後一日假期，大條道理去吃渴玩樂亂花錢，準備好去看電影、買玩具…要玩就玩埋呢一兩日，因為之後這個月的日子，大概又是忙稿件。

生日過後，快樂又會成為假象。

四格試貼~！我砌左n世都冇時間完成的陸戰吉姆模型，率先在此登場~！

兒時陪伴著我的動畫《爆走兄弟》今夏將推出dvd box~！唔駛講野，一出就即「鎊水」帶番屋企~！

今天五月一日勞動節，全世界都放緊假，我就走去勞動，因為要趕稿=.=

不知什麼原故，我在公司近幾個月都開唔倒mocasting，要開自己個blog就只有回到家在裡。

最近打mario kart ds經常被同事們追殺，茅招層出不窮，大大條直路唔行，開住「金身」係要打橫車埋黎=.=又炸彈、紅龜、蕉皮…茅招層出不窮，打法狼死，似足什麼「哈瑪斯」組織~！最過份的是被他們以「飛彈」將我K‧O後，大家竟然擊掌叫好~！真是可惡~！>.<最慘的是，我今天試下用其他車款玩下野，諗住用咩都贏...結果「坐艇」=.=

講起唱K，我都好似有兩年幾未入過K房，差D就封咪KA喇~！昨晚OT完放工，就比同修拉左去唱K，心諗冇唱咁耐，唔知仲O唔OK…話哂中學果陣玩獨唱都略有獎項=.=…去到一唱就三個小時，幸好還算可以，只是唱歌時聲線的輸出比以前更不穩定~！一如以往，我入到K房就剩係識E神同霆鋒…~.~新歌也不太懂唱了，有D聽落熟熟地既都會插番兩句~！不過真的很好玩就是了，很久也渡有讓聲帶如此激烈的運動過~！

唱完回到家中已經深夜四點了，第二天入八點半起床上班…做做做O.O，還好，快要見到終點啦~！跟住可以去睇戲~！！！